【請1日假去旅行】陳懿德拍旅遊節目獻第一次　準備多套戰衣分享防走光貼士【多圖】

TVB旅遊節目《請1日假去旅行》第二輯播至中山江門篇，由麥長青、譚玉瑛、陳懿德、邵初擔任主持，首次拍攝旅遊節目的陳懿德跟TOPick透露帶備了多套戰衣隨行，又大方分享防走光貼士。

【香港小姐】陳懿德預告新節目派福利　東張女神身材比選港姐時更佳【多圖】

▼點擊圖片放大

+13

+12

首拍旅遊節目

率直的陳懿德先表示拍此節目很開心：「因為係我第一個旅遊節目，仲要今次嘅行程估唔到咁多好嘢食，咁多好嘢玩！」

自認為食的她續稱：「最正就係可以攞正牌瘋狂食嘢！睇我就知我好鍾意搵嘢食，今次有好抵食嘅全牛宴，石岐乳鴿，同埋東升脆肉鯇。開頭我都好好奇呢啲香港都有，點解去到個到食呢？食完就明點解要特登去到嗰到食，可能係我食過最好食嘅乳鴿同脆肉鯇！今個星期兩集你睇我食，就會知有幾好味！直頭導演話：『嘩，停咗機啦喎，你仲食極唔停。』」

吃得滿足之餘，亦嘗試了很多第一次：「好似自駕遊、騎馬、揸飛機咁。呢3樣嘢係我一路都好想試，估唔到今次竟然試晒！真係好surprised。搞到都心思思想考返個機師牌。」

陳懿德更坦言：「最開心係被讚，睇我食嘢同玩係Feel到我真心Enjoy，嗰種開心係感染到睇嗰個。」

【東張女神】陳懿德大宅曝光　好客Rachel：一直都好想有個咁嘅gathering【多圖】

▼點擊圖片放大

+12

+11

做足準備功課

由於今次的拍攝需要在內地自駕遊，陳懿德於拍攝前做足準備：「我之前係無試過係內地揸車。所以拍攝前都特登去練習下，感受下當地揸車嘅文化。」

她更透露：「為咗配合返啲環境同氣氛，我帶咗超過十套衫同十套泳衣。但最後都著唔哂，就當推個重啲嘅喼當係小小嘅運動。」

十分勤力的陳懿德出發前更做足準備，稱：「做定功課睇下去嘅地方嘅資料，網民有咩評語，個地方出名咩。同時都會睇下之前嘅旅遊節目，參考下人哋嘅做法，再諗自己應該點做，諗下set咩髮型，咁觀眾都多啲嘢睇！」

最新影片推介：周奕瑋專訪

防走光貼士

陳懿德於節目內以泳裝造型示人，她大方分享防走光貼士：「出發前我都會試清楚，同埋準備定打底，黐定膠紙。」

除了「戰衣」外，更有東西她認為必要帶：「去旅行咩都可以唔帶，但一定一定會帶相機！因為要影好多靚相咁仲要帶一個可以互相影相嘅旅伴。仲有頸枕，因為要係飛機或者車抖足精神，就可以多啲energy去玩！」

最後陳懿德稱：「同埋for身體會帶酵素、腸胃藥同感冒藥，而備不時之需。同埋消毒噴霧，去消毒下房間。」十分細心。

記者：梁樂欣

精彩獎賞活動等您發掘：https://bit.ly/3ClEy1R